Foreldrahópar

Í Foreldrahúsi eru í boði stuðningshópar fyrir foreldraunglinga í vímuefnavanda. Foreldrahóparnir hittast í Foreldrahúsinu aðra hverja viku undir handleiðslu ráðgjafa. Einnig eru í boði sérstakir “pabba-hópar” sem ætlaðir eru feðrum / stjúpfeðrum barna í neyslu.

Nánar um hópana: Stuðningshópar foreldra sem eiga eða hafa átt unglinga og/eða uppkomin börn í vímuefnavanda hittast undir handleiðslu ráðgjafa þar sem unnið er að því að efla foreldra og styðja við þá.Foreldrar verða fyrir miklu áfalli þegar í ljós kemur að barn þeirra er að nota fíkniefni. Erfiðar tilfinningar eins og sorg, reiði og ótti eru tilfinningar sem foreldrar upplifa ásamt skömm og því að vita ekki hvernig eigi að bregðast við vandanum. Oft er álagið orðið það mikið að foreldrar missa tökin og þurfa stuðning til að sinna öðrum börnum á heimilinu sem og til að sinna sjálfum sér. Eins eru sumir foreldrar að jafna sig eftir erfið áföll eins og ofbeldi eða yfirvofandi sjálfsvígshættu unglingsins.

Markmið: Með stuðningshópunum er að styðja við foreldra og að efla þá í að takast á við það að eiga barn eða hafa átt barn sem notar fíkniefni. Í stuðningshópunum er unnið með þær erfiðu tilfinningar sem foreldrar fara í gegnum, sjálfsmynd foreldra elfd og foreldrum veittar þær upplýsingar sem þeir þurfa varðandi úrræði fyrir barn í vímuefnaneyslu. Leitast er við að mæta hverjum og einum á einstaklingsmiðaðan hátt, því þó allir séu að takast á við sama vandan eru einstaklingar ólíkir og með ólíkar þarfir. Stuðningshópurinn er mjög öflugt verkfæri fyrir foreldra til þess að rjúfa þá einangrun sem oft fylgir því að eiga barn í neyslu. Jafbframt eru foreldrahóparnir mikilvægur stuðningur við foreldra sem eiga barn í vímuefnameðferð eða eru að taka á móti barni heim eftir að það líkur vímuefnameðferð

Tímasetningar: Foreldrahópanir eru opnir hópar og fara fram tvisvar á mánuði á  miðvikudögum kl 17:30-19:00
Leiðbeinandi: Hóparnir fara fram undir handleiðslu Guðrúnar Ágústsdóttur ICADC -og foreldraráðgjafa
Gjald: 1.500 kr. fyrir þátttöku í hvert skipti
Skráning: Skráning í stuðningshóp er á netfangið Runa@vimulaus.is eða í síma 511 6160.
* Stuðningshóparnir eru styrktir af Reykjavíkurborg og Velferðaráðuneytinu

Umsagnir foreldra : „Ég hef verið í foreldrahóp hjá Foreldrahúsi í tvö ár. Það er ómetanlegt að hitta foreldra í svipaðri stöðu, geta hlegið, grátið og talað saman um börnin okkar og eigin líðan. Að segja hlutina umbúðarlaust í lokuðum hóp veitir mér andlega hreinsun og þess hópur gefur mér mjög mikinn styrk“. „S.B. „Ég fór alltaf heim með eitthvað í farteskinu sem ég gat nýtt mér og það er algjörlega ómetanlegt að foreldrar hafi aðgang að stuðningi sem þessum.Móðir 15 ára unglings.

 

 

Senda fyrirspurn til samtakanna