Fyrir foreldra síðan 1986

Foreldrasamtökin Vímulaus æska eru landssamtök, formlega stofnuð í Háskólabíói 20. september 1986. Samtökin eiga og reka Foreldrahús sem var stofnað 1999 og er nú til húsa að Suðurlandsbraut 50, bláu húsin í Skeifunni í Reykjavík. 

Samtökin sinna námskeiðahaldi og ráðgjafaþjónustu fyrir fjölskyldur sem eiga börn og unglinga í hvers kyns vanda.  Á fyrri árum var unnu samtökin aðallega með vímuefnavanda barna og unglinga en er í dag með fjölbreyttari starfsemi þar sem unnið er með ýmis konar önnur mál í fjölskyldum, s.s. einelti, félagslega erfiðleika, vanlíðan, kvíða og hegðunarvanda.

Samtökin hafa staðið að fyrirlestrum víðsvegar um landið í samstarfi við foreldrafélög, skóla, félagasamtök og sveitarfélög.

Starfsemi Foreldrahússins skiptist í fræðslu, forvarnir og ráðgjöf.  

Í Foreldrahúsi er í boði fyrir foreldra og börn fjölskylduráðgjöf, foreldrahópar, sjálfstyrkingarnámskeið og stuðningsmeðferð fyrir unglinga í vímuefnavanda.

Foreldrahús er opið alla virka daga frá 9 – 5 en aðra tíma sólarhringsins og um helgar er Foreldrasíminn 581-1799 opinn.
Samtökin hafa frá upphafi verið öflug í útgáfu fræðslu- og fréttaefnis og hafa gefið út bæði tímari og forvarnarbæklinga auk fræðsluefnis á geisladiskum og myndböndum.  Heimasíða samtakanna www.foreldrahus.is hefur verið starfrækt síðan 1997 auk þess sem Facebook síða er opin öllum.